Yazıçı M.Pənahinin «Gizli zindan» romanı İran həyatından bəhs edir. Yazıçı XX əsrin birinci yarısında İran xalqlarını əsarət altına almağa, İranın təbii sərvətlərini qarət etməyə hər bir vasitə ilə çalışan, bu yolda heç bir iyrənc, qeyri-insani əməllərdən çəkinməyən İngiltərə, Amerika imperialistlərinin fırıldaqlarını, İranı qarət etmək üçün həmin imperialistlərin öz aralarında var qüvvələri ilə çəkişdiklərini ifşa edir. Eyni zamanda şahlıq idarə üsulunun vətənpərəstlərə, azadxahlara necə divan tutduğunu bədii şəkildə qələmə alır.
